ဢေးသႅင် မီးၽူဝ်ယဝ်ႉဝႃႈ ၵူၺ်းၵႃႈတိုၵ်ႉလဝ်းၼႃႇ ။ ဢသၢၵ်ႈမၼ်းမီးမွၵ်ႈသၢဝ်းႁႃႈသၢဝ်းႁူၵ်းၼႆႉၵႃႈ။ လႆႈၽူဝ်ႁိုင်ၵႃႈႁိုဝ်ယဝ်ႉတႄႉဢမ်ႇႁူႉယဝ်ႉ ပႆႇမီးလုၵ်ႈသႄႈ။ ၸဵမ်မိူဝ်ႈမၼ်းမႃးႁဵတ်းၵၢၼ်ၼၼ်ႉယဝ်ႉဝႃႈ ၸပ်းတႃဢၢႆႈႁႃးၼႃႇ။ ထိုင်သွင်ၶႃၽူဝ်မေးမႃးႁဵတ်းၵၢၼ် သမ်ႉဢမ်ႇတူၵ်းၵႃလဵဝ်ၵၼ်ႁိုဝ်ႉ။ ပေႃးၽူဝ်မၼ်းႁဵတ်းၵၢင်ဝၼ်း မၼ်းသမ်ႉလႆႈႁဵတ်းၵၢၼ်ၵၢင်ၶိုၼ်းၼႆၼၼ်ႉၼႃ။ ဢေးသႅင်ၼႆႉသမ်ႉ မႃးတူၵ်းၺႃးၵႃႁဝ်းသေ သမ်ႉလႆႈယူႇတီႈလဵဝ်ၵၼ်တၢင်းဢၢႆႈႁႃးလႃႈမႂ်း။ ၸဵမ်မိူဝ်ႈမႃးတၢင်ႇၵၢၼ်ၼၼ်ႉ ဢၢႆႈႁႃးပေႃးလွမ်ၵျိုၵ်ႈဝႆႉယူႇယဝ်ႉ။ ထိုင်မႃးလႆႈႁဵတ်းၵၢၼ်ၶွင် တေၵႂႃႇလၢတ်ႈသင်ယဝ်ႉႁႁႁ။ ဢၢႆႈႁႃးၽႄႉၼႃႇတႄႉၵေႃႈဢမ်ႇဝႃႈၼင်ႇၵဝ်ၼႃ။ ၵူၺ်းၵႃႈ ထိုင်လႆႈႁၼ်ဢေးသႅင်ၼႆႉယဝ်ႉ ၸႂ်ၼႆႉသမ်ႉၶႂ်ႈၽႄႉဝႆႉဝႃႈ။ တူဝ်ၶိင်းမၼ်းၸၼ်ၸႂ်သေဢမ်ႇၵႃး မၼ်းသမ်ႉဝႆႉၼႃႈယုမ်ႉသေသေၼၼ်ႉဢႃႈ ဢၢႆႈႁႃးၵျိုၵ်ႈၼႃႇၼၼ်ႉ။ ထိုင်မၼ်းၼၢင်းမႃးႁဵတ်းၵၢၼ်ယဝ်ႉၵေႃႈ ဢၢႆႈႁႃးႁဵတ်းၵူၼ်းၵႂႃႇသိုပ်ႇမိုတ်ႈမၼ်းဢွၼ်တၢင်းဢိူဝ်ႈ။ ယူႇတီႈလႂ် လုၵ်ႉတီႈလႂ်မႃးသင်သိင်ႇၼေႃႈ။ ႁဵတ်းၼၼ်သေ ၸူးႁူႉဝႃႈၽူဝ်မၼ်းသမ်ႉပေႃးၵၢင်ၶမ်ႈမႃးၸွင်ႇတေလႆႈလူင်းၵၢၼ်ဝႃႈ သွင်ၶႃၽူဝ်မေးဢမ်ႇလႆႈႁဵတ်းၵၢၼ်ၸွမ်းၵၼ်ၼႆ တူၺ်းၼႃႈမၼ်းၼၢင်းသေ ဢၢႆႈႁႃးသမ်ႉပေႃးဢိတ်းလူၵႂႃႇမေႃႉ။ သဵင်ဢွၼ်ႇမၼ်းသ...