ၼင်သမ်ႁီ

  ပၢႆၵမ် #ၶိင်းသေႃး မီးၵၢၼ်ယဝ်ႉၼႆသေ ဢူၺ်းၵေႃႉၶႃႈသိုပ်ႇၽူင်းႁွင်ႉၶႃႈလႄႈ ၶႃႈၵေႃႈလႆႈၵႂႃႇၸူးတီႈဢူၺ်းၵေႃႉၶႃႈယူႇၼၼ်ႉ။ ထိုင်ၵႂႃႇထိုင် လူဝ်ႇလႆႈပႂ်ႉထႅင်ႈ ဝူင်ႈၼိုင်ႈၵွၼ်ႇ ၸင်ႇတေလႆႈႁဵတ်းၵၢၼ်ၼႆလႄႈ ၶႃႈၵေႃႈႁႃၶၢတ်ႈႁွင်ႈ ၸွမ်းႁိမ်းႁွမ်းလူင်းငၢၼ်းၼၼ်ႉၵေႃႈဢမ်ႇမီး။ ၸူဝ်ႈပႆႇလႆႈႁဵတ်းၵၢၼ်ၼႆႉ ဢူၺ်းၵေႃႉၶႃႈ ႁႂ်ႈယူႇၸွမ်းမၼ်းၵႂႃႇၵွၼ်ႇ သင်ဝႃႈ လႆႈႁဵတ်းၵၢၼ်ယဝ်ႉ ၸင်ႇႁႃၶၢတ်ႈႁွင်ႈၼႆလႄႈ ၶႃႈၵေႃႈလႆႈပိုင်ႈယူႇၸွမ်းဢူၺ်းၵေႃႉၶႃႈၵႂႃႇ။ ဢူၺ်းၵေႃႉၶႃႈၼႆႉ ၸိုဝ်ႈမၼ်းႁွင်ႉဝႃႈဢၢႆႈဝၼ်း မေးမၼ်းတႄႉ ဢေးတႅင်မူဝ်ဝႃႈ ။ ဢသၢၵ်ႈသွင်ၶႃႈတႄႉ တေလဵၵ်ႉသေၶႃႈ သွင်သၢမ်ပီၵႃႈ။ ၶႃႈတႄႉ လႆႈသၢဝ်းၸဵတ်းယဝ်ႉ။ ႁဵတ်းၼၼ်သေ ၶႃႈၵေႃႈၽၢႆႇၼိုင်ႈပႂ်ႉၵၢၼ် ၽၢႆႇၼိုင်ႈၵေႃႈ ၵႂႃႇႁႃၶၢတ်ႈႁွင်ႈ ယွၼ်ႉပိူဝ်ႈဝႃႈ ယူႇၸွမ်းၵူၼ်းမီးမေးၼႆႉ ၵူဝ်ပဵၼ်ၽေးတွၼ်ႈတႃႇတၢင်းသွင်ၽၢႆႇၼေႃႈ။ ၵူၺ်းၵႃႈ ဢၢႆႈဝၼ်းတႄႉ ၵမ်းၵမ်းလၢတ်ႈၶႃႈဝႃႈ ပေႃးလႆႈႁဵတ်းၵၢၼ်ယဝ်ႉ ၸင်ႇၵွႆႈႁႃႁွင်ႈပၼ်ၼႆယူႇတိၵ်းတိၵ်းသေ ၸႂ်ႉၶႃႈယူႇၸွမ်းသွင်ၶႃၵႂႃႇယူႇတိၵ်းတိၵ်း။ ဢၼ်ၶႃႈဢမ်ႇပေႃးၶႂ်ႈယူႇၸွမ်းဢူၺ်းၵေႃႉၶႃႈၼၼ်ႉတႄႉ မၼ်းမီးလွင်ႈတၢင်းဝႃႈ မေးဢူၺ်းၵေႃႉၶႃႈ ဢေးတႅင်မူဝ်ၼၼ်ႉ သၢႆတႃမၼ်းလႄႈ တၢင်းႁဵတ်းတၢင်းသၢင်ႈမၼ်းၼႆႉ ပၼ်သၢႆငၢႆမၼ်းၵျၢမ်းပူၼ်ႉတီႈမၼ်းၼ...